Kindermoordenaar kry tronkstraf

Sy het die betrokke oggend saam met vriende dwelms gerook en later die pa van haar seuntjie in sy gesig gesien en daarom besluit om hom te vermoor.

- GARNETT WICOMB EN LIEZL VAN NIEKERK

Dit is van die erkennings wat die 41-jarige Drezene Jonkerman gemaak het in haar pleiten vonnisooreenkoms met die staat.

Jonkerman is Maandag 23 Junie volgens dié ooreenkoms 25 jaar tronkstraf opgelê waarvan vyf jaar voorwaardelik vir vyf jaar opgeskort is, en sy eers na die uitdiening van 'n twee derdes van die effektiewe tronkstraf van 20 jaar, vir parool in aanmerking kan kom.

Jonkerman erken dat sy haar sewejarige seuntjie, Ashwin Jonkerman, die oggend van 11 Augustus 2024 verwurg het.

Met Oudtshoorn Courant se besoek aan haar, kort na die dood van haar seun, het sy gesê dat hy in sy slaap dood is. Dit is egter later daardie week bevestig dat hy vermoor is.