ഡിജിറ്റൽ ഇടപാടുകളിൽ പുതിയ റെക്കോർഡുമായി യുപിഐ

ലോകത്തിലെ 49% റിയൽ-ടൈം പേയ്മെന്റും ഇന്ത്യയിൽ

- 

ഇന്ത്യയുടെ ഡിജിറ്റൽ വിപ്ലവത്തിന് കരുത്തു പകരുന്ന ഏകീകൃത പേയ്മെന്റ് ഇന്റർഫേസ് പത്താം വാർഷികം ആഘോഷിക്കുമ്പോൾ, ആഗോള തത്സമയ പേയ്മെന്റ് ഇടപാടുകളുടെ 49 ശതമാനവും ഇന്ത്യയിലാണെന്ന അഭിമാനകരമായ നേട്ടം സർക്കാർ പുറത്തുവിട്ടു. ലോകത്തിലെ ഏറ്റവും വലിയ റിയൽ ടൈം പേയ്മെന്റ് സംവിധാനമായി അന്താരാഷ്ട്ര നാണയ നിധി വിശേഷിപ്പിച്ച യുപി ഐ, കഴിഞ്ഞ പത്ത് വർഷത്തിനുള്ളിൽ സമാനതകളില്ലാത്ത വളർച്ച യാണ് കൈവരിച്ചത്. 2026 ജനുവരിയിൽ മാത്രം 28.33 ലക്ഷം കോടി രൂപ മൂല്യമുള്ള 21.70 ബില്യൺ ഇടപാടുകൾ ഈ സംവിധാനം പ്രോസസ്സ് ചെയ്തു. ഇന്ത്യയിലെ റീട്ടെയിൽ ഡിജിറ്റൽ ഇടപാടുകളുടെ 81 ശതമാനവും യുപിഐ വഴിയാണെന്നത് ഇതിന്റെ സ്വീകാര്യത വ്യക്തമാക്കുന്നു.