ഇന്ത്യയുടെ പഞ്ചസാര ഉൽപ്പാദനത്തിൽ വൻ ഇടിവ്

എത്തനോൾ നിർമാണത്തിന് പഞ്ചസാര ഉൽപാദനത്തിലെ ഇടിവിനൊപ്പം വ്യവസായ രംഗത്തെ പുതിയ മാറ്റങ്ങളും വിപണിയിലെ പഞ്ചസാരയുടെ ലഭ്യത കുറയ്ക്കുന്നുണ്ട്.

- 

ന്യൂഡൽഹി: രാജ്യത്തെ പഞ്ചസാര ഉൽപാദനത്തിൽ കനത്ത ഇടിവുണ്ടാകുമെന്ന് പുതിയ റിപ്പോർട്ടുകൾ. ഈ സീസണിൽ 29.6 ദശ ലക്ഷം ടൺ ഉൽപ്പാദനം പ്രതീക്ഷിച്ചിരുന്ന സ്ഥാനത്ത്, പുതുക്കിയ കണക്കുകൾ പ്രകാരം ഇത് 28.3 ദശ ലക്ഷം ടണ്ണായി കുറയുമെന്നാണ് ഓൾ ഇന്ത്യ ഷുഗർ ട്രേഡ് അസോസിയേഷൻ വ്യക്തമാക്കുന്നത്.

പ്ര ധാന ഉൽപ്പാദന കേന്ദ്രങ്ങളിലെ വിളനാശം കണക്കിലെടുത്ത് 4.4 ശതമാനത്തിന്റെ കുറവാണ് രേഖപ്പെടുത്തിയിരിക്കുന്നത്. കഴിഞ്ഞ വർഷത്തെ 26.2 ദശലക്ഷം ടണ്ണിനേക്കാൾ അല്പം കൂടുതലാണെങ്കിലും, ആഗോള വിപണി പ്രതീക്ഷിച്ച കുതിച്ചുചാട്ടം ഇത്തവണ ഉണ്ടാകില്ലെന്ന് ഉറപ്പായി.