Onderwyser dank almal vir hul steun deur sy beproewinge

25 Februarie vanjaar het vir Rudolf Botha, 'n onderwyser en adjunkhoof by Hoërskool Punt, soos enige ander dag begin.

- Linzetta Calitz

Hy was vroeg op, hy't sy kinders gegroet en skool toe geneem...

Die enigste verandering was dat hy daardie dag sou ingaan vir 'n operasie om 'n nieskadelike gewas naby sy spinale koord te laat verwyder.

Ses ure later het die wrede werklikheid geslaan - en kon hy nie loop nie.

Daar was en bly egter steeds hoop vir hom om weer te kan loop.

Intussen was hy in 'n rehabilitasie-sentrum in die Kaap en is hy darem nou weer tuis in Mosselbaai. "Die vordering by die huis gaan goed, alhoewel dit stadiger is as wat ek gehoop het," sê Botha.