Man threatens shopkeeper with toy gun, arrested

’n Man het glo ’n speelgoed geweer uitgepluk en gedreig om ’n Mosselbaaise winkelier dood te maak nadat hy aangesê is om buite te rook, nie binne die winkel nie, op die aand van 8 Junie.

- Chelsea Pieterse

Die polisie het gesê ’n verdagte, 38 jaar oud, is sedertdien gearresteer.

KwaNonqaba Polisiestasie se woordvoerder, Warrant Offisier Kappie Kapp, het gesê ’n man het na bewering die winkel in Maqabangqastraat, KwaNonqaba, net na 19:00 binnegegaan en die winkelier om ’n sigaret en ’n aansteker gevra.

Daar word beweer hy het die sigaret aangesteek en binne die winkel begin rook. Kapp het gesê toe die winkelier die man vra om aan sy sigaret buite te trek, het hy na bewering ’n geweer uitgepluk en gedreig om hom dood te maak.

Toe die winkelier vir die roker sê hy sou die polisie bel, het hy die winkel gevlug.