Wie is die man in Hartenbos se hoof se kantoor?

Sedert Werner van Huyssteen (54) se aankoms as skoolhoof by Laerskool Hartenbos in 2018, het die skool van sowat 850 leerders na sowat 1 300 gegroei.

- 

Mossel Bay Advertiser het in die hoof se kantoor gaan kuier om meer oor die man agter die titel uit te vind.

Groei, dinámiese groei, is een woord wat hy gebruik om sy afgelope klompie jare hier op te som. Saam met die groeiende omgewing van die groter Mosselbaai het Laerskool Hartenbos ook gegroei: in leerders, in onderwysers, in infrastruktuur, in kultuur, en meer, vertel Van Huyssteen.

Ervaring

Met sy aankoms op Hartenbos was die hoof se rol nie vir hom iets nuut nie. Sy eerste pos as een was by Laerskool Montagu en daarna by Laerskool Bredasdorp.

"Ek was reeds 16 jaar hoof toe ek hier begin het. Dit maak dit vir 'n mens baie makliker, want jy het nou al rondom jou personeel gesien wat werk en waarvan moet jy wegbly. En 'n ou weet jy moet jou personeel heel eerste aan jou kant kry, want hulle moet jou vertrou.