Mosselbaai onderhandel vir Danabaai-gemeenskapspark

Mosselbaai-munisipaliteit gaan onderhandelinge met die nasionale departement van openbare werke begin vir die koop óf huur van 'n erf ter waarde van R9 720 000 vir die ontwikkeling van 'n gemeenskapspark in Danabaai.

- Linzetta Calitz

Erf 5737 is in Floraweg geleë, langs die OK Grocer, en beslaan 4,89 ha van hoofsaaklik onontwikkelde fynbos en 'n informele parkeerterrein.

Volgens die item sal die ontwikkeling in fases moet gebeur en die munisipaliteit sal daarvoor moet begroot.

'n Raadsitem hieroor het op 29 Mei in die laaste ope raadsvergadering gedien. Twee uit die ses partye op die raad is teen hierdie ontwikkeling gekant.

Volgens die item kan die park verskeie gebruike hê, insluitende parkering vir ontspanningen besigheidsgebruik, 'n informele handelsgebied, 'n entrepreneursmark, 'n speelpark, 'n buiteluggimnasium, uitkykpunte, fietsryen staproetes, ontspanningsfasiliteite, en meer.

Volgens die item sal die ontwikkeling van die park in fases moet gebeur en die munisipaliteit sal daarvoor moet begroot. Die ontwikkeling sal na verwagting sowat R5 400 000 kos.