કોંગ્રેસે લોકસભાના ઉમેદવારોની પસંદગી માટે ખાનગીમાં નામ મગાવ્યા

શહેર-જિલ્લા પ્રમુખ સહિતની સંગઠનની બાકી નિમણૂકો ટૂંકમાં સક્ષમ અને પક્ષને ઉપયોગી ત્રણ ઉમેદવારના નામ બેલેટ બોક્સમાં જમા કરાવ્યા બાદ પ્રમુખ-પ્રભારીની હાજરીમાં ખોલાશે

- 

કોંગ્રેસે લોકસભાની આગામી ચૂંટણીના ઉમેદવારોની પસંદગી માટે નવતર પ્રયોગ અપનાવવાનો નિર્ણય કર્યો છે. જે મુજબ, જિલ્લા-શહેરના આગેવાનોએ સ્થાનિક સમીકરણો, પક્ષમાં યોગદાન સહિતની બાબતોને ધ્યાનમાં લઈ બેલેટ પેપર પર ત્રણ સક્ષમ અને સક્રિય ઉમેદવારના નામ લખી અને બેલેટ બોક્સમાં જમા કરાવવાના રહેશે. આ લોકતાંત્રિક પ્રક્રિયા અંતર્ગત કોંગ્રેસના કાર્યકરો પાસે જે તે લોકસભા માટે આવેલા ઉમેદવારો ના નામો પ્રદેશ પ્રમુખ અને કોંગ્રેસના પ્રભારી સમક્ષ ખોલવામાં આવશે.