હોસ્પિટલમાં દર્દીઓને હાલાકી ભોગવવી ન પડે તેનું ધ્યાન રાખજોઃ આરોગ્ય મંત્રી

આરોગ્ય મંત્રીની અધ્યક્ષતામાં યોજાયેલી બેઠકમાં આરોગ્ય વિષયક 21 મુદ્દાની સમીક્ષા કરાઈ

- 

ગાંધીનગરમાં આરોગ્યમંત્રી ઋષિકેશ પટેલેના અધ્યક્ષ સ્થાને આરોગ્ય વિભાગની સેવાઓ અંગે સમીક્ષા બેઠક યોજાઈ હતી. જેમાં ઉપસ્થિત રાજ્યની તમામ સિવિલ હોસ્પિટલ્સ, G M E R S ના સુપરિન્ટેન્ડેન્ટ, ૩૩ જિલ્લાના CDHO, CDMO અને ૬ ઝોનના RDD સાથે આરોગ્ય વિષયક મહત્ત્વના ૨૧ મુદ્દે વિગતવાર ચર્ચા હાથ ધરાઈ હતી. આ બેઠકમાં રાજ્યની કુલ ૨૩૦૦ આરોગ્ય સંસ્થાઓમાં દર્દીઓને કોઇપણ પ્રકારની હાલાકી ભોગવવી ન પડે તે માટે માનવીય અભિગમ અપનાવવા મંત્રીએ ખાસ આગ્રહ સાથે તાકીદ કરી હતી.