ફંડ્સ દ્વારા થતી છેતરપિંડી અટકાવવા સેબીએ સૂચનો માટે 8 જૂનનો સમય આપ્યો

AMCએ કેવી મિકેનિઝમ ગોઠવવી તે અંગે સેબીએ સૂચનો મંગાવ્યા છે

- 

એસેટ મેનેજમેન્ટ કંપનીઓ (AMCs)ને માર્કેટમાં છેતરપિંડી અને ફ્રોડ સાથેના ટ્રાન્ઝેક્શન અટકાવવા માટે ઈન્સ્ટિટ્યૂશનલ મિકેનિઝમ (વ્યવસ્થા) ગોઠવવા અંગે સેબીએ જે આદેશ કર્યો છે તે અંગે સૂચનો કરવા માટેનો સમય વધારીને 8 જૂન સુધીનો કરાયો છે. અગાઉ 3 જૂન સુધીમાં આ સૂચનો આપી દેવાના હતા.

સેબીએ કહ્યું હતું કે એએમસી માટે આ મિકેનિઝમ કેવી હોવી જોઈએ તે અંગે જાહેર જનતાના સૂચનો 3 જૂન સુધી મંગાવાયા હતા, પરંતુ સંબંધિત સ્ટેકહોલ્ડર્સની વિનંતીને પગલે સમયમર્યાદા વધારીને 8 જૂન કરવામાં આવી છે.