આનંદો... ટુરિસ્ટ કે બિઝનેસ વિઝા પર અમેરિકામાં નોકરીની અરજી કરી શકાશે

વિઝા નિયમોમાં મોટી રાહત, નવી નોકરી પહેલા અરજદારે વિઝા સ્ટેટસમાં ફેરફાર કરવો પડશે ઇમિગ્રેશન સર્વિસે ગ્રેસ પીરિયડ પછી પણ રહેવા માટે ઘણા વિકલ્પો આપ્યા

- 

ટુરિસ્ટ કે બિઝનેસ વિઝા માટે અમેરિકાના પ્રવાસે જતાં લોકો માટે ખુશખબર છે. બિઝનેસ અથવા ટૂરિસ્ટ વિઝા (B-1, B-2) પર અમેરિકાની મુસાફરી કરનાર વ્યક્તિ નવી નોકરી માટે અરજી કરી શકશે અને ઇન્ટરવ્યુમાં પણ હાજર શકશે. જોકે અરજદારોએ નવી નોકરી કરતાં પહેલા તેમના વિઝા સ્ટેટસમાં ફેરફાર કરવો પડશે.

યુએસ સિટિઝનશિપ એન્ડ ઇમિગ્રેશન સર્વિસે શ્રેણીબદ્ધ ટ્વીટમાં જણાવ્યું હતું કે ઘણા લોકોએ પૂછ્યું છે કે શું તેઓ B-1 અથવા B-2 વિઝાસ્ટેટસમાં હોય ત્યારે નવી નોકરી શોધી શકે છે. જવાબ છે, હા. નોકરીની શોધ કરવી અને હોદ્દા માટે ઇન્ટરવ્યુ આપવું તે B-1 અથવા B-2 પ્રવૃત્તિઓમાં મંજૂરીપાત્ર છે.