உங்களுடன் ஸ்டாலின் திட்ட முகாம் விழிப்புணர்வு குறும்படம்

கன்னியாகுமரி மாவட்ட ஆட்சியர் அலுவலக குறள் கூட்டரங்கில் உங்களுடன் ஸ்டாலின் முகாம் குறித்து மாவட்ட ஆட்சித்தலைவர் அழகுமீனா செய்தியாளர்கள் சந்திப்பில், தெரிவிக்கையில், தமிழ்நாடு முதலமைச்சர் பொதுமக்களின் நலன் கருதி, தமிழ்நாட்டுக்குட்பட்ட அனைத்து மாவட்டங்களிலும் உள்ள பொதுமக்களின் கோரிக்கைகளுக்கு மிகுந்த முக்கியத்துவம் அளிக்கும் பொருட்டு, மக்களுடன் முதல்வர் திட்டத்தினை அறிவித்து மிகச்சிறப்பாக செயல்படுத்தி வந்தார்கள்.

- 

அதனைத்தொடர்ந்து மக்களின் குறைகளைத்தீர்க்க அவர்களின் பகுதிகளிலேயே நேரிடையாக சென்று முகாம்கள் நடத்தி கோரிக்கை மனுக்களை பெற, உங்களுடன் ஸ்டாலின் என்ற புதிய திட்டத்தினை வரும் 15ம் தேதி கடலூர் மாவட்டம் சிதம்பரத்தில் தமிழ்நாடு முதலமைச்சர் துவக்கி வைக்கவுள்ளார்கள். இத்திட்டத்தின் முக்கிய நோக்கம் கூலித்தொழில் செய்யும் ஏழை, எளிய மக்களின்

வசதிக்குகேற்ப அவர்களின் பகுதிகளுக்கு அருகாமையிலேயே தங்கள் குறைகளையும், கோரிக்கைகளையும், தேவைகளையும் மற்றும் நலத்திட்ட உதவிகள் பெறுவதற்கான விண்ணப்பங்கள் பூர்த்தி செய்து வழங்குவதற்கு ஏற்ற வகையில் உங்களுடன் ஸ்டாலின் திட்டம் வழிவகை செய்கிறது.

உங்களுடன் ஸ்டாலின் திட்டத்தின் கீழ் மாநகராட்சி, நகராட்சிகள். பேரூராட்சிகள் மற்றும் ஊராட்சிகள் பகுதிகளில் குடியிருக்கும் பொதுமக்களின் அருகாமையிலுள்ள சமுதாய நலக்கூடம் மற்றும் தனியார் மண்டபங்கள், பள்ளி கலை அரங்ககள் உள்ளிட்ட இடங்களில் வரும் 15 ம்தேதி தொடங்கி, தமிழ்நாடு முழுவதும் 'உங்களுடன் ஸ்டாலின்' முகாம்கள் நடத்தப்படும்.

தமிழ்நாட்டிற்குட்பட்ட நகரப்பகுதிகளில் 3.768 முகாம்களும், கிராமப்பகுதிகளில் 3,232 முகாம்கள் என்று மொத்தம் 10 ஆயிரம் முகாம்கள் நடைபெறும். உங்களுடன் ஸ்டாலின் முகாம்கள் நடைபெறும் அனைத்து இடங்களிலும், மருத்துவ முகாம்கள் நடைபெறும்.