பாஜக., தலைவராக வி.பி.ராமலிங்கம் பதவியேற்பு அமைச்சர், எம்.எல்.ஏ.,க்கள், நிர்வாகிகள் திரண்டு வாழ்த்து

புதுச்சேரி பாஜக மாநில தலைவர் தேர்தலில் போட்டியின்றி தேர்வு செய்யப்பட்ட வி.பி.ராமலிங்கம் நேற்று, தேசிய பொதுச் செயலாளர் தருண் சுக் முன்னிலையில் மாநில தலைவராக பொறுப்பேற்றார். அகில இந்திய பாஜக தலைவர் இந்த மாதம் புதிதாக தேர்வு செய்யப்பட உள்ளார். இதனை யொட்டி நாடு முழுவதும் அனைத்து மாநிலங்களிலும் பாஜக தலைவர், நிர்வாகிகள் தேர்வு செய்யப்பட்டு வருகின்றனர்.

- 

இந்நிலையில், புதுச்சேரி மாநில பாஜகவில் உட்கட்சி தேர்தலை ஒட்டி கடந்தாண்டு 1.53 லட்சம் உறுப்பினர்கள் சேர்க்கப்பட்டனர். தொடர்ந்து கிளை, தொகுதி, மாவட்ட நிர்வாகிகள் தேர்வு செய்யப்பட்டனர். அதனை தொடர்ந்து மாநில தலைவர் தேர்தல் கடந்த ஜனவரி மாதம் நடக்கும் என எதிர்பார்த்த நிலையில், பலரும் இப்பதவியை பெற முயன்றதால் கிடப்பில் போடப்பட்டது.