திருவண்ணாமலை மாவட்டத்தில் தமிழ்நாடு சட்டமன்ற பேரவை அரசு உறுதிமொழிக்குழு ஆய்வு

தமிழ்நாடு சட்டமன்றப் பேரவை அரசு உறுதிமொழிக்குழு தலைவர் மற்றும் பண்ருட்டி சட்டமன்ற உறுப்பினர் தி. வேல்முருகன் திருவண்ணாமலை அருள்மிகு அருணாச்சலேஸ்வரர் திருக்கோவில் மற்றும் அரசு மருத்துவக்கல்லூரி மருத்துவமனையில் ஆய்வு மேற்கொண்டனர்.

- 

இந்த ஆய்வில் திருவண்ணாமலை மாவட்ட ஆட்சித்தலைவர் .தர்ப்பகராஜ், சட்டமன்ற பேரவை உறுதிமொழிக்குழு உறுப்பினர்கள் அரவிந்த் ரமேஷ் (சோழிங்கநல்லூர் சட்டமன்ற உறுப்பினர்). அருள் (சேலம் மேற்கு சட்டமன்ற உறுப்பினர்). மாங்குடி (காரைக்குடி சட்டமன்ற உறுப்பினர்). மோகன் (அண்ணாநகர் சட்டமன்ற உறுப்பினர்) மற்றும் துறை சார்ந்த அலுவலர்கள் உடனிருந்தனர்.

தமிழ்நாடு சட்டமன்ற பேரவை அரசு உறுதிமொழிக் குழுவானது நேற்றைய தினம் திருவண்ணாமலை மாவட்டத்தில் பல்வேறு அரசு துறை சார்பாக செயல்படுத்தப்பட்டு வரும் வளர்ச்சி திட்டப்பணிகளை ஆய்வு மேற்கொண்டனர். அதனைத் தொடர்ந்து அனைத்து அரசு துறை சார்ந்த அலுவலர்களுடன் ஆலோசனைக் கூட்டம் நடைபெற்றது.