1,104 மகளிர் சுய உதவிக்குழுக்களுக்கு ரூ.77.57 கோடி மதிப்பீட்டில் கடனுதவிகளை அமைச்சர் வழங்கினார்

தமிழ்நாடு துணை முதலமைச்சர் சென்னையில் மகளிர் சுய உதவிக்குழு தின விழாவில், மகளிர் சுய உதவிக்குழு உறுப்பினர்களுக்கு பல்வேறு கடனுதவிகளை வழங்கியதைத் தொடர்ந்து, ஆதிதிராவிடர் நலத்துறை அமைச்சர் மருத்துவர் மா.மதிவேந்தன் நாமக்கல் மாவட்டம், இராசிபுரம் நகராட்சியில், 1,104 மகளிர் சுய உதவிக்குழுக்களுக்கு ரூ.77.57 கோடி மதிப்பீட்டில் வங்கி கடன் இணைப்பு உட்பட பல்வேறு கடனுதவிகளை வழங்கினார்.

- 

மாண்புமிகு தமிழ்நாடு துணை முதலமைச்சர் அவர்கள் இன்று (11.06.2025) சென்னை, கலைவாணர் அரங்கில் மகளிர் சுய உதவிக்குழு தினத்தை முன்னிட்டு மகளிர் சுய உதவிக்குழுக்களுக்கு வங்கி கடன் உதவி. 2024 2025 ஆம் ஆண்டிற்கான மணிமேகலை விருது, மாநில அளவில் நடைபெற்ற பன்முக கலாச்சார போட்டியில் வெற்றி பெற்றவர்களுக்கு சான்றிதழ்கள், பரிசு மற்றும் நல உதவித்திட்ட உதவிகளை வழங்கினார். இதனைத் தொடர்ந்து, நாமக்கல் மாவட்டம், இராசிபுரம் நகராட்சி, சுஜிதா திருமண மண்டபத்தில் மாண்புமிகு ஆதிதிராவிடர் நலத்துறை அமைச்சர் மருத்துவர் மா.மதிவேந்தன் அவர்கள், மாவட்ட ஆட்சித்தலைவர் மருத்துவர். ச.உமா, இ.ஆ.ப., அவர்கள் தலைமையில், பாராளுமன்ற மாநிலங்களவை உறுப்பினர்/நாமக்கல் மாவட்ட மத்திய கூட்டுறவு வங்கித் தலைவர் திரு.கே.ஆர்.என். இராஜேஸ்குமார் அவர்கள். நாமக்கல் பாராளுமன்ற உறுப்பினர் திரு.வி.எஸ். மாதேஸ்வரன் அவர்கள், நாமக்கல் சட்டமன்ற உறுப்பினர் திரு.பெ. ராமலிங்கம் அவர்கள் ஆகியோர் முன்னிலையில், 1.104 மகளிர் சுய உதவிக்குழுக்களைச் உறுப்பினர்களுக்கு ரூ.77.57 கோடி மதிப்பீட்டில் பல்வேறு கடனுதவிகளை வழங்கினார்.

ஆதிதிராவிடர் நலத்துறை அமைச்சர் மருத்துவர் மா.மதிவேந்தன் பேசியதாவது, தமிழ்நாடு துணை முதலமைச்சர் அவர்கள் இன்று (11.06.2025) மகளிர் சுய உதவிக்குழு தினத்தை முன்னிட்டு மகளிர் சுய உதவிக்குழுக்களுக்கு வங்கி கடன் உதவி, 2024 2025 ஆம் ஆண்டிற்கான மணிமேகலை விருது. மாநில அளவில் நடைபெற்ற பன்முக கலாச்சார போட்டியில் வெற்றி பெற்றவர்களுக்கு சான்றிதழ்கள். பரிசு மற்றும் நலத்திட்ட உதவிகளை வழங்கினார். அதனை தொடர்ந்து இராசிபுரம் சட்டமன்ற தொகுதிக்கு உட்பட்ட இராசிபுரம், நாமகிரிப்பேட்டை, வெண்ணந்தூர் வட்டாரங்கள். இராசிபுரம் நகராட்சி, அத்தனூர், வெண்ணந்தூர். பிள்ளாநல்லூர். ஆர்.புதுப்பட்டி, நாமகிரிப்பேட்டை, சீராப்பள்ளி மற்றும் பட்டணம் பேரூராட்சிகளில் உள்ள மகளிர் சுய உதவிக்குழுக்களுக்கு வங்கி கடன் வழங்கப்படுகிறது.