ஈரோடு மாவட்டத்துக்கு முதல்வர் வருகை முன்னேற்பாடு பணிகளை அமைச்சர் ஆய்வு

தமிழ்நாடு முதலமைச்சர் வருகின்ற 11.06.2025 அன்று ஈரோடு மாவட்டத்தில், பெருந்துறை விஜயமங்கலம் சங்கச்சாவடி அருகில் வேளாண் கண்காட்சி மற்றும் கருத்தரங்கினை துவக்கி வைக்க உள்ளதைத் தொடர்ந்து வீட்டுவசதி, மதுவிலக்கு மற்றும் ஆயத்தீர்வை துறை அமைச்சர் முத்துசாமி முன்னேற்பாடு பணிகளை பார்வையிட்டு, ஆய்வு மேற்கொண்டார்.

- 

தமிழ்நாடு முதலமைச்சர் வருகின்ற 11.06.2025 அன்று வேளாண் கண்காட்சி மற்றும் கருத்தரங்கினை துவக்கி வைக்க ஈரோடு மாவட்டத்திற்கு வருகை தரவுள்ளார்கள். வேளாண்மை மற்றும் தோட்டக்கலைத் தொழில்நுட்பங்கள், புதிய இரக வேளாண்மை மற்றும் தோட்டக்கலைப் பயிர் விதைகள், ஒட்டு இரக பழ மரக்கன்றுகள், தென்னங்கன்றுகள் மற்றும் பிறவகை மரக்கன்றுகள், வேளாண் இயந்திரங்கள் மற்றும் கருவிகள் விற்பனை, உயர் இரக கால்நடைகள் மற்றும் வளர்ப்பு முறைகள், மீன் வளர்ப்பு, வேளாண்மையில் வங்கி சேவைகள் மற்றும் இவை குறித்த கருத்தரங்கம் உள்ளிட்ட பல்வேறு சிறப்பம்சங்களைக் கொண்டு 11.06.2025 மற்றும் 12.06.2025 ஆகிய இரு தினங்களில் நடைபெறவுள்ளது.