12ம் வகுப்பில் அதிக மதிப்பெண்கள் பெற்ற மாணவர்களுடன் ஆட்சியர் கலந்துரையாடல்

கன்னியாகுமரி மாவட்ட பள்ளிக்கல்வித்துறையின், நான் முதல்வன் மற்றும் புத்தொழில் புத்தாக்கம் ஆகியவை இணைந்து மாவட்ட ஆட்சியர் அலுவலக குறள் கூட்டரங்கில் அரசு பள்ளிகளில் பயின்று 12 ம் வகுப்பில் அதிக மதிப்பெண்கள் பெற்ற மாணவ, மாணவியர்களுடன் கனவுகள் மெய்ப்பட வேண்டும் என்ற கலந்துரையாடல் நிகழ்ச்சி மாவட்ட ஆட்சித்தலைவர் அழகுமீனா தலைமையில் நடைபெற்றது.

- 

இந்நிகழ்ச்சியில் அரசு பள்ளியில் பயின்று அதிக மதிப்பெண்கள் பெற்ற மாணவ, மாணவியர்களிடம் பேசுகையில், கன்னியாகுமரி மாவட்டத்தில் அரசு பள்ளிகளில் பயின்ற 12ம் வகுப்பு மாணவ, மாணவியர்கள் அதிக அளவு தேர்ச்சி பெற்றுள்ளீர்கள். அவர்கள் தங்களது உயர்கல்வியினை தேர்ந்தெடுக்க உயர்கல்வி வழிகாட்டி முகாம்கள் நடத்தப்பட்டு அதிக அளவு மாணவர்கள் உயர்கல்வி படிப்பிற்கு விண்ணப்பித்துள்ளார்கள்.

அரசு பள்ளிகளில் பயின்று அதிக மதிப்பெண் பெற்ற அனைத்து மாணவ மாணவியர்களும் மேற்படிப்பிலும் இதுபோன்று அதிக கவனம் செலுத்தி, உங்களுக்கு பிடித்த பாடப்பிரிவுகளை தேர்ந்தெடுத்து படிக்க வேண்டும்.