ஏற்காட்டில் மலர்க்காட்சி முன்னேற்பாடு பணிகள் குறித்து ஆலோசனைக் கூட்டம்

சேலம் மாவட்டம், ஏற்காட்டில் 48வது கோடை விழா மற்றும் மலர்க்காட்சி வரும் 23.05.2025 முதல் 29.05.2025 வரை நடைபெறவுள்ளதையொட்டி, சுற்றுலாத்துறை அமைச்சர் ராஜேந்திரன் தலைமையில் முன்னேற்பாடு பணிகள் குறித்து அனைத்துத்துறை அரசு அலுவலர்களுடனான ஆலோசனைக்கூட்டம் மாவட்ட ஆட்சித்தலைவர் பிருந்தாதேவி முன்னிலையில் மாவட்ட ஆட்சியகரத்தில் நடைபெற்றது.

- 

இக்கூட்டத்திற்குப்பின், மாண்புமிகு சுற்றுலாத்துறை அமைச்சர் செய்தியாளர்களிடம் தெரிவித்ததாவது:

தமிழ்நாடு முதலமைச்சர் வழிகாட்டுதலுக்கிணங்க, சேலம் மாவட்டம், ஏற்காட்டில் சுற்றுலாப் பயணிகளை மகிழ்விக்கும் வகையில் ஆண்டுத்தோறும் ஏற்காடு கோடைவிழா மற்றும் மலர்க்காட்சி சிறப்பாக நடத்தப்பட்டு வருகிறது. அந்தவகையில், இந்த ஆண்டு 48வது ஏற்காடு கோடை விழா மற்றும் மலர்க்காட்சி வரும் 23.05.2025, வெள்ளிக்கிழமை அன்று தொடங்கி 29.05.2025, வியாழக்கிழமை வரை 7 நாள்கள் நடைபெறவுள்ளது. சுற்றுலாப் பயணிகள், பொதுமக்கள், குழந்தைகள் உள்ளிட்ட அனைத்துத் தரப்பினரையும் மகிழ்விக்கும் வகையில் இக்கோடை விழா ஏற்பாடு செய்யப்பட்டுள்ளது.

48வது கோடை விழா மற்றும் மலர்க்காட்சி தொடக்க விழாவில் வேளாண்மை உழவர் நலத்துறை அமைச்சர் மற்றும் வனத்துறை அமைச்சர் ஆகியோர் பங்கேற்கவுள்ளனர். இக்கோடைவிழா நடத்துவது தொடர்பான முன்னேற்பாடு பணிகள் குறித்து அனைத்துத்துறை அரசு அலுவலர்களுடனான ஆலோசனைக் கூட்டம் நடத்தப்பட்டுள்ளது.