மண்டைக்காடு அருள்மிகு பகவதியம்மன் கோயில் திருக்குடமுழுக்கு நன்னீராட்டுப் பெருவிழா

இந்து சமய அறநிலையத்துறை அமைச்சர் பி.கே.சேகர்பாபு திருவிதாங்கோடு அருள்மிகு மகாதேவர் திருக்கோயில் மற்றும் மண்டைக்காடு அருள்மிகு பகவதியம்மன் திருக்கோயில் திருக்குடமுழுக்கு நன்னீராட்டுப் பெருவிழாக்களில் கலந்து கொண்டு சிறப்பித்தார்கள்.

- 

தமிழ்நாடு முதலமைச்சர் மு.க.ஸ்டாலின் வழிகாட்டுதலின்படி, இந்து சமய அறநிலையத்துறை பி.கே.சேகர்பாபு அவர்கள் கன்னியாகுமரி மாவட்ட அமைச்சர் ஆட்சித்தலைவர் திருமதி.ஆர்.அழகுமீனா, மற்றும் இந்து சமய அறநிலையத்துறை ஆணையர் பி.என்.ஸ்ரீதர் ஆகியோர் முன்னிலையில் கன்னியாகுமரி மாவட்டம், திருவிதாங்கோடு அருள்மிகு மகாதேவர் திருக்கோயில் மற்றும் மண்டைக்காடு அருள்மிகு பகவதியம்மன் திருக்கோயில் திருக்குடமுழுக்கு நன்னீராட்டுப் பெருவிழாக்களில் கலந்து கொண்டு சிறப்பித்து, செய்தியாளர்களிடம் தெரிவிக்கையில், இந்து சமய அறநிலையத்துறையானது தன் ஆளுகைக்குட்பட்ட திருக்கோயில்களில் திருப்பணிகள் மேற்கொண்டு குடமுழுக்கு நடத்துதல், திருத்தேர் மற்றும் திருக்குளங்களை சீரமைத்தல், பக்தர்களுக்கான அடிப்படை வசதிகளை மேம்படுத்தி வழங்குதல், திருக்கோயில் சொத்துக்களை ஆக்கிரமிப்பாளர்களிடமிருந்து மீட்டெடுத்து பாதுகாத்தல் போன்ற பணிகளை செம்மையாக மேற்கொண்டு வருகிறது.

கன்னியாகுமரி மாவட்ட திருக்கோயில்கள் அருள்மிகு மகாதேவர் திருக்கோயில், திருவிதாங்கோடு இத்திருக்கோயில் 1000 ஆண்டுகள் பழமையான திருக்கோயில் ஆகும். இணை ஆணையர் நிலையிலான செயல் அலுவலர் மற்றும் ஐவர் அடங்கிய பரம்பரை முறை வழி சாரா அலங்கார அறங்காவலர் குழுவாலும் நிர்வகிக்கப்பட்டும் வருகிறது. பசலி 1433 க்கு வருமானம் ரூ.2,43,000 ஆகும். கடைசியாக 02.05.2004 குடமுழுக்கு நடைபெற்றது. சிவாலய ஓட்டம் நிகழும் 12 சிவாயங்களில் 10 ஆவது சிவாலயமாக இத்திருக்கோவில் விளங்குகிறது . இத்திருக்கோவிலில் நான் கடந்த 21.11.2021 அன்று திருப்பணிகளை துவக்கி வைத்தேன்.