வெண்ணந்தூர், இராசிபுரம் ஊராட்சி ஒன்றியங்களில் பல்வேறு வளர்ச்சித்திட்ட பணி குறித்து ஆட்சியர் ஆய்வு

நாமக்கல் மாவட்டம், வெண்ணந்தூர் ஊராட்சி ஒன்றியம், அலவாய்பட்டி, ஓ.சௌதாபுரம், நடுப்பட்டி, நெ.3 கொமாராபாளையம், வெண்ணந்தூர் பேரூராட்சி, இராசிபுரம் ஊராட்சி ஒன்றியம், கல்லங்குளம், குருக்கப்புரம் உள்ளிட்ட பகுதிகளில் நாமக்கல் மாவட்ட ஆட்சித்தலைவர் உமா மேற்கொள்ளப்பட்டு வரும் பல்வேறு வளர்ச்சித்திட்ட பணிகள் குறித்து ஆய்வு மேற்கொண்டார்.

- 

வெண்ணந்தூர் ஊராட்சி ஒன்றியம், ஓ.சௌதாபுரம் ஊராட்சி, மணல்காடு மற்றும் அலவாய்பட்டி ஊராட்சி உள்ளிட்ட பகுதிகளில் தாட்கோ சார்பில் புதியதாக சமுதாயக்கூடம் கட்டப்பட்டு வருவதை பார்வையிட்டு, கட்டடம் கட்ட பயன்படுத்தப்படும் சிமெண்ட், கற்கள், கம்பிகள் உள்ளிட்ட பொருட்களின் தரம், கட்டடத்தின் நீளம், அகலம், சுற்றுசுவரின் அளவீடு உள்ளிட்டவை குறித்து ஆய்வு மேற்கொண்டு, அரசு நிர்ணயித்துள்ள ஒப்பந்த காலத்திற்குள் சமுதாய கூடத்தை தரமானதாக கட்டி முடிக்க வேண்டுமென ஒப்பந்ததாரர்களுக்கு உத்தரவிட்டார்.