Hospitaalriller nie vir slaaptyd

Soos Alice in Wonderland het Marieta Carrick by 'n konyngat ingeval, maar wat sý skryf, is alles behalwe slaaptydstories.

- 

"Ek hou van horror, maar my gunsteling is sielkundige rillers. As jy dit kan regkry om met my kop te smokkel, dan hét jy my," gesels sy.

Dit is wat die blonde Kaapse skrywer reggekry het met haar lesers in haar nuutste boek, Bloed van 'n vlinder. Die hoofkarakter, Suster Libby Lucas, begin by Noordeberg Hospitaal werk. Sy hoop dit sal 'n nuwe begin wees, en dat sy al haar geheime in die verlede sal kan los. Maar dan word 'n verpleegster vermoor. Skielik voel dit asof die onheil Libby agtervolg.

Of is sy nou besig om haar verstand te verloor?