ആദ്യ മത്സരത്തിനായി ഇന്ത്യ കട്ടക്കിൽ

ഏകദിനത്തിന് പിന്നാലെ ടി20യിലും ജയം നേടാൻ

- 

കട്ടക്ക്; ദക്ഷിണാഫ്രിക്കയ്ക്കെതിരായ മൂന്ന് മത്സരങ്ങളുള്ള ഏകദിന പരമ്പര 2-1 ന് സ്വന്തമാക്കിയ ഇന്ത്യ, ചൊവ്വാഴ്ച കട്ടക്കിലെ ബരാബതി സ്റ്റേഡിയത്തിൽ നടക്കുന്ന അഞ്ച് മത്സരങ്ങളുള്ള ടി20 അന്താരാഷ്ട്ര പരമ്പരയിലെ ആദ്യ മത്സരത്തിൽ പ്രോട്ടീസിനതിരെ ഇന്നിറങ്ങും. വൈകിട്ട് ഏഴു മണിയോടെ മത്സരം തുടങ്ങും. ആദ്യ മത്സരത്തിൽ തന്നെ വിജയം നേടി പരമ്പര പിടിക്കാനാണ് ദക്ഷിണാഫ്രിക്കയുടെ ശ്രമം.

സൂര്യകുമാർ യാദവിന്റെ നേതൃത്വത്തിൽ ഇറങ്ങുന്ന ടീമിൽ മലയാളിതാരം സഞ്ജു സാംസൺ വിക്കറ്റ് കീപ്പറായി ടീമിൽ ഉൾപ്പെട്ടിട്ടുണ്ടെങ്കിലും അന്തിമ ഇലവണിൽ താരം ഉണ്ടാകുമോ എന്നാണ് ചോദ്യം. കഴുത്തിനേറ്റ പരിക്കിനെത്തുടർന്ന് ടെസ്റ്റ്, ഏകദിന പരമ്പരകളിൽ നിന്ന് വിട്ടുനിന്ന ശുഭ്മാൻ ഗിൽ തിരിച്ചെത്തുമെന്ന് പ്രതീക്ഷിക്കുന്നു.