My reënmeter wag vir werk

Hier in my tuin in George staan 'n reënmeter.

- Eugene Gunning

Tot voor verlede Donderdag, 15 Januarie, het dit in die voorafgaande weke nie veel werk gehad nie. Trouens, tot voor Donderdag het ek by dit verbygestap sonder om veel daarna te kyk.Donderdag het alles egter verander. In die vroeë oggendure het dit begin reën. In die loop van die dag het ek so oor 'n afstand, hier van onder 'n dak by my woonplek beskut teen die reën, gestaan en kyk hoe die meter voller word.

Dit was 'n pragtige prentjie. Dit het as bewys gedien dat 'n welkome gas, kosbare water, kom kuier het.

Natuurlik het ek soos baie inwoners gedink aan die watersituasie. Ek woon nie te ver van die Tuinroetedam, George se vernaamste waterbron, en die einste reënmeter staan prominent in my voortuin. As dit reën gee die reënmeter 'n aanduiding van wat 'n entjie verder by die dam kan gebeur.