இமானுவேல் சேகரன் நினைவு தினம்: பரமக்குடியில் துணை முதல்வர் உதயநிதி உள்ளிட்ட தலைவர்கள் மரியாதை

தியாகி இமானுவேல் சேகரனின் 68-ஆவது நினைவு தினத்தை முன்னிட்டு, ராமநாதபுரம் மாவட்டம், பரமக்குடியில் உள்ள அவரது நினைவிடத்தில் தமிழக துணை முதல்வர் உதயநிதி ஸ்டாலின், பல்வேறு அரசியல் கட்சிகளின் தலைவர்கள் வியாழக்கிழமை மரியாதை செலுத்தினர்.

- 

பரமக்குடி, செப். 11:

முதுகுளத்தூர் வட்டம், செல்லூர் கிராமத்தில் பிறந்த இமானுவேல் சேகரனின் நினைவிடம் பரமக்குடி அரசு போக்குவரத்துக் கழக பணிமனை அருகே உள்ளது. தியாகி இமானுவேல் சேகரன் நினைவிடத்தில் அவரது மகள் சுந்தரி பிரபா ராணி, பேரன்கள் ரமேஷ், ஜூவான், ஆரோக்கிய கோமகன் உள்ளிட்டோர் மலர் வளையம் வைத்து மரியாதை செலுத்தினர்.

இதைத் தொடர்ந்து, தேவேந்திரர் பண்பாட்டுக் கழகம் சார்பில் அதன் தலைவர் சக்கரவர்த்தி தலைமையில் மலர் வளையம் வைத்து மரியாதை செலுத்தப்பட்டது.