அண்ணா பல்கலை. கல்லூரிகளில் புதிய பாடங்கள் அறிமுகம்

செயற்கை நுண்ணறிவு, இயந்திர கற்றல் கட்டாயம்

- 

சென்னை, ஆக. 27: அண்ணா பல்கலைக்கழகம், தனது இணைப்பு கல்லூரிகளில் பின்பற்றப்படும் இளநிலை பொறியியல் பட்டப் படிப்பு பாடத்திட்டத்தில் புதிய பாடங்களை அறிமுகப்படுத்தியது.

செயற்கை நுண்ணறிவு, இயந்திர கற்றல் ஆகிய பாடங்கள் கட்டாயப் பாடங்களாக அறிவிக்கப்பட்டன.

இதுகுறித்து அந்தப் பல்கலைக்கழகத்தின் பதிவாளர் ஜெ.பிரகாஷ் புதன்கிழமை வெளியிட்ட செய்திக் குறிப்பு: அண்ணா பல்கலைக்கழகம், தனது இணைப்பு கல்லூரிகளில் பின்பற்றப்படும் இளநிலைப் பொறியியல் பட்டப்படிப்பு பாடத்திட்டத்தில், புதிய பாடங்களை அறிமுகப்படுத்தியுள்ளது.

இந்தப் பாடங்கள் வளர்ந்து வரும் தொழில் தேவைகள் மற்றும் உலகளாவிய கல்வி மாற்றங்களுக்கு ஏற்ற வகையில் வடிவமைக்கப்பட்டுள்ளது. கல்வியாளர்கள், தொழில் நிபுணர்கள், ஆராய்ச்சி மற்றும் மேம்பாட்டு நிறுவனங்களின் விஞ்ஞானிகள் மற்றும் முன்னாள் மாணவர்கள் ஆகியோர் அடங்கிய பாடத்திட்டக்குழுவால் வடிவமைக்கப்பட்டது.

புதிய பாடத் திட்டத்தின் முக்கிய அம்சமாக, தயாரிப்பு மேம்பாட்டை முக்கிய குறிக்கோளாகக் கொண்டு Capstone Design Project 5-ஆவது பருவத்தில் இருந்து அறிமுகப்படுத்தப்பட்டுள்ளது.