விடுவிக்கப்பட்ட 7 படகுகளை மீட்டு வர இலங்கை சென்ற ராமேசுவரம் மீனவர்கள்

இலங்கை நீதிமன்றத்தால் விடுவிக்கப்பட்ட ராமேசுவரம், மண்டபம் பகுதிகளைச் சேர்ந்த 7 விசைப் படகுகளை மீட்பதற்காக ராமேசுவரத்திலிருந்து 14 பேர் கொண்ட குழுவினர் திங்கள்கிழமை அந்த நாட்டுக்கு புறப்பட்டுச் சென்றனர்.

- 

ராமேசுவரம், ஆக. 25:

ராமநாதபுரம் மாவட்டம், ராமேசுவரம், மண்டபம் துறைமுகங்களிலிருந்து கடந்த 2022-23-ஆம் ஆண்டில் மீன் பிடிக்கச் சென்ற சார்லஸ், ஹரிகரன், மைக் கேல்ராஜ், இருதயராஜ், தட்சிணாமூர்த்தி, வேல்முருகன், வினால்டன் ஆகியோருக்குச் சொந்தமான 7 விசைப்படகுகளை இலங்கைக் கடற்படையினர் பறிமுதல் செய்தனர். மேலும், அந்தப் படகுகளிலிருந்த மீனவர்களும் கைது செய்யப்பட்டனர்.

இந்த வழக்கில் மீனவர்கள் ஏற்கெனவே விடுவிக்கப்பட்ட நிலையில், படகுகள் தொடர்பாக இலங்கை நீதிமன்றத்தில் தொடர்ந்து விசாரணை நடைபெற்று வந்தது.