மதமாற்ற தடைச் சட்டத்துக்கு எதிரான மனு: உ.பி. அரசு பதிலளிக்க உச்சநீதிமன்றம் நோட்டீஸ்

உத்தர பிரதேசத்தில் கட்டாய மதமாற்றத்தை தடை செய்யும் திருத்தச் சட்டப் பிரிவுகளுக்கு எதிராக தாக்கல் செய்யப்பட்ட மனுவுக்கு பதிலளிக்குமாறு மாநில அரசுக்கு உச்சநீதிமன்றம் புதன்கிழமை நோட்டீஸ் அனுப்பியது.

- 

புது தில்லி, ஜூலை 16:

உத்தர பிரதேசத்தில் கட்டாய மதமாற்ற தடைச் சட்டத்தில் கடந்த ஆண்டு திருத்தங்கள் மேற்கொள்ளப்பட்டன.

இந்தத் திருத்தங்கள், தெளிவற்றதாகவும், வரம்பற்றதாகவும் உள்ளதாக கூறி, லக்னௌவைச் சேர்ந்த ரூப் ரேகா வர்மா என்ற கல்வியாளர் தரப்பில் உச்சநீதிமன்றத்தில் மனு தாக்கல் செய்யப்பட்டுள்ளது.

அதில் மேலும் கூறப்பட்டுள்ள தாவது:

உத்தர பிரதேச கட்டாய மதமாற்றத் தடை திருத்தச் சட்டம், அரசமைப்புச் சட்டத்தின் 14 (சட்டத்தின் முன் அனைவரும் சமம்), 19 (பேச்சு மற்றும் கருத்து சுதந்திரம்), 21 (வாழ்க்கைகான உரிமை மற்றும் தனிநபர் சுதந்திரம்), 25 (மதச் சுதந்திரம்) ஆகிய பிரிவுகளை மீறுவதாக உள்ளது.