நல்லதங்காள் கோயிலில் பாலாலயம் செய்வதற்கு பொதுமக்கள் எதிர்ப்பு

வத்திராயிருப்பு நல்லதங்காள் கோயிலில் இந்து சமய அறநிலையத் துறை சார்பில் புதன்கிழமை பாலாலயம் நடத்துவதற்கு பொதுமக்கள் எதிர்ப்புத் தெரிவித்தனர்.

- 

ஸ்ரீவில்லிபுத்தூர், ஜூலை 16:

விருதுநகர் மாவட்டம், வத்திராயிருப்பு அருகேயுள்ள அர்ச்சனாபுரத்தில் 15-ஆம் நூற்றாண்டைச் சேர்ந்த நல்லதங்காள் கோயில் அமைந்துள்ளது. இந்தக் கோயிலில் கடந்த ஜனவரி 25-ஆம் தேதி இரவு உண்டியல், பீரோ, நல்லதங்காள் சிலை ஆகியவை உடைந்து கிடந்தது. இதுகுறித்து இந்து சமய அறநிலையத் துறை அளித்த புகாரின் பேரில், வத்திராயிருப்பு போலீஸார் வழக்குப் பதிவு செய்து கோயில் பூசாரிகள் 5 பேரைக் கைது செய்தனர்.

இதையடுத்து, இந்து சமய அறநிலையத் துறை, அர்ச்சனாபுரம் கிராம மக்கள், கோயில் பங்காளிகள் இடையே ஒருமித்த கருத்து ஏற்படாததால் புதிய சிலை செய்வதில் தாமதம் ஏற்பட்டு வருகிறது.