3 பேரவைத் தொகுதி திமுக நிர்வாகிகளுடன் முதல்வர் மு.க.ஸ்டாலின் ஆலோசனை

கடந்த தேர்தலில் அதிமுக வென்ற 2 தொகுதிகள் உள்பட மூன்று தொகுதிகளைச் சேர்ந்த திமுக நிர்வாகிகளுடன் முதல்வரும், கட்சித் தலைவருமான மு.க.ஸ்டாலின் ஆலோசனை நடத்தினார்.

- 

சென்னை, ஜூன் 17:

தமிழக சட்டப்பேரவைத் தேர்தல் அடுத்த ஆண்டு (2026) நடைபெறவுள்ள நிலையில், ஆளும் திமுக, கடந்த ஆண்டிலிருந்தே தேர்தலுக்கான அடிப்படைப் பணிகளைத் தொடங்கி விட்டது. இதன் ஒரு பகுதியாக, மதுரை பொதுக்குழு கூட்டத்தில் அறிவித்தபடி, 'உடன்பிறப்பே வா' என்ற பெயரில் தொகுதிவாரியாக நிர்வாகிகளைச் சந்திக்கும் நிகழ்வை கடந்த 13-ஆம் தேதி திமுக தலைவரும் முதல்வருமான மு.க.ஸ்டாலின் தொடங்கினார்.