மீன்பிடித் துறைமுகம் அமைக்கக் கோரி மீனவர்கள் போராட்டம்

விழுப்புரம் மாவட்டம், மரக்காணம் அடுத்த அனுமந்தை பகுதியில் சிறு மீன்பிடித் துறைமுகம் அமைக்க வலியுறுத்தி மீனவர்கள் திங்கள்கிழமை கருப்புப் பட்டை அணிந்து உண்ணாவிரதம் மற்றும் சாலை மறியல் போராட்டத்தில் ஈடுபட்டனர்.

- 

விழுப்புரம், செப். 8: இதையடுத்து 200 பேர் மீது போலீஸார் வழக்குப் பதிவு செய்துள்ளனர்.

இந்தப் போராட்டத்தால் புதுச்சேரி- சென்னை கிழக்குக் கடற்கரைச் சாலையில் கடுமையான போக்குவரத்துப் பாதிப்பு ஏற்பட்டது.

மரக்காணம் அருகே அனுமந்தை குப்பம் மீனவர் கிராமத்தில் 2 ஆயிரத்துக்கும் மேற்பட்ட மீனவர்கள் வசிக்கின்றனர். இதில் 200-க்கும் மேற்பட்டவர்கள் மீன்பிடி பைபர் படகுகள், 20-க்கும் மேற்பட்ட அதிநவீன விசைப் படகுகள் மற்றும் கட்டு மரங்கள் போன்றவற்றைப் பயன்படுத்தி மீன்பிடித் தொழில் செய்து வருகின்றனர்.