மூதாட்டியை பாலியல் வன்கொடுமை செய்த இளைஞர் போலீஸாரால் சுட்டுப்பிடிப்பு

கடலூர் மாவட்டம், பண்ருட்டி அருகே 75 வயது மூதாட்டியை பாலியல் வன்கொடுமை செய்த இளைஞரை போலீஸார் செவ்வாய்க்கிழமை துப்பாக்கியால் சுட்டுப் பிடித்தனர்.

- 

நெய்வேலி, ஜூன் 17:

பண்ருட்டி வட்டம், திராசு கிராமத்தைச் சேர்ந்த 75 வயது மூதாட்டி புலவனூர் சாலையில் உள்ள சவுக்குத் தோப்பு பகுதியில் திங்கள்கிழமை பிற்பகல் 3 மணியளவில் நடந்து சென்று கொண்டிருந்தார். அப்போது, அங்கு வந்த நபர் மூதாட்டியை மிரட்டி பாலியல் வன்கொடுமை செய்தாராம். மேலும், அவர் அணிந்திருந்த தங்க நகைகளையும் பறித்துச் சென்றார். காயமடைந்த மூதாட்டி சவுக்குத் தோப்பு ஓரம் கிடந்தார். அந்தப் பகுதியில் வந்தவர்கள் மூதாட்டியை மீட்டு பண்ருட்டி அரசு மருத்துவமனையில் சேர்த்தனர். அங்கு முதலுதவி சிகிச்சைக்குப் பிறகு, தீவிர சிகிச்சைக்காக சிதம்பரத்திலுள்ள கடலூர் மாவட்ட அரசு மருத்துவக் கல்லூரி மருத்துவமனைக்கு அனுப்பிவைத்தனர்.