நாடு முழுவதும் ஹோலி உற்சாக கொண்டாட்டம்

நாடு முழுவதும் ஹோலி பண்டிகை வெள்ளிக்கிழமை உற்சாகமாகக் கொண்டாடப்பட்டது.

- 

புது தில்லி, மார்ச் 14:

ஹோலி பண்டிகையையொட்டி நாடு முழுவதும் வீடுகளும் தெருக்களும் வண்ணமயமாகக் காட்சியளித்தன. இந்தக் கொண்டாட்டத்தில் ஈடுபட்டவர்கள் ஒருவர் மீது ஒருவர் வண்ணப்பொடிகளை பூசியும் இனிப்புகளை பரிமாறிக் கொண்டும் மகிழ்ந்தனர். ஹோலி விடுமுறை காரணமாக பெரும்பாலான பெருநகரங்களில் வெள்ளிக்கிழமை காலை வேளையில் பொதுப் போக்குவரத்து வாகனங்கள் இயங்கவில்லை. மெட்ரோ ரயில் சேவைகள் மதியத்தில் இருந்து இயக்கப்பட்டன.

ஹோலி பண்டிகை, முஸ்லிம் களின் புனித ரம்ஜான் மாதத்தின் வெள்ளிக்கிழமையில் வந்ததால் பல்வேறு மாநிலங்களிலும் பாதுகாப்பு ஏற்பாடுகள் அதிகரிக்கப்பட்டன. காவல் துறையினர் ரோந்து நடவடிக்கைகளை தீவிரப்படுத்தியிருந்தனர்.