அபராதம் செலுத்தாததால் ராமேசுவரம் மீனவர்கள் மீண்டும் சிறையில் அடைப்பு

ராமேசுவரம் மீனவர்கள் 7 பேரை விடுதலை செய்தும், அவர்களுக்கு அபராதம் விதித்தும் இலங்கை மன்னார் நீதிமன்றம் செவ்வாய்க்கிழமை உத்தரவிட்டது. அபராதத் தொகையை உடனே செலுத்தாததால், இந்த மீனவர்கள் மீண்டும் வவுனியா சிறையில் அடைக்கப்பட்டனர்.

- 

ராமேசுவரம், ஆக. 26:

ராமநாதபுரம் மாவட்டம், ராமேசுவரம் மீன்பிடி இறங்குதளத்திலிருந்து 356 விசைப் படகுகளில் 2 ஆயிரத்துக்கும் மேற்பட்ட மீனவர்கள் கடந்த 9-ஆம் தேதி கடலுக்குள் மீன்பிடிக்கச் சென்றனர்.

இவர்கள் அன்று நள்ளிரவு கச்சத்தீவு அருகே மீன்பிடித்துக் கொண்டிருந்த போது, அங்கு 5 ரோந்துப் படகுகளில் வந்த இலங்கை கடற்படையினர் மீனவர்கள் மீது தாக்குதல் நடத்தி, மீன்பிடிக்க விடாமல் விரட்டியடித்தனர்.