கர்நாடக கூட்டுறவுத் துறை அமைச்சர் கே.என். ராஜண்ணா திடீர் ராஜிநாமா

காங்கிரஸ் மேலிட அறிவுறுத்தலின் பேரில், கர்நாடக கூட்டுறவுத் துறை அமைச்சர் கே.என். ராஜண்ணா தனது பதவியை ராஜிநாமா செய்துள்ளார்.

- 

பெங்களூரு, ஆக. 11: முதல்வர் சித்தராமையா தலைமையிலான காங்கிரஸ் அரசின் அமைச்சரவையில் கூட்டுறவுத் துறை அமைச்சராக பணியாற்றி வந்தவர் கே.என்.ராஜண்ணா.

இவர், முதல்வர் மற்றும் காங்கிரஸ் மாநிலத் தலைவர் மாற்றம் செய்யப்படுவர் என்றும், காங்கிரஸ் மாநிலத் தலைவராகவும், துணை முதல்வராகவும் உள்ள டி.கே. சிவகுமாருக்கு எதிராகவும் அடிக்கடி கருத்து தெரிவித்து வந்தார்.

இந்நிலையில், மக்களவைத் தேர்தலின்போது பெங்களூரு மத்திய தொகுதியைச் சேர்ந்த மகாதேவபுரா சட்டப் பேரவைத் தொகுதியில் ஒரு லட்சம் வாக்குகள் முறைகேடாக சேர்க்கப்பட்டு மோசடி செய்யப்பட்டதாக தேர்தல் ஆணையத்தின் மீது மக்களவை எதிர்க்கட்சித் தலைவர் ராகுல் காந்தி குற்றம்சாட்டியிருந்தார்.