முகாம் வாழ் இலங்கைத் தமிழர்களின் திருமணங்கள் பதிவு தொடக்கம்

முகாம்களில் வசிக்கும் இலங்கைத் தமிழர்களின் திருமணங்களைப் பதிவு செய்யும் பணி வேலூர் மண்டலத்திலுள்ள அனைத்து சார்பதிவாளர் அலுவலகங்களிலும் தொடங்கியது.

- 

வேலூர், ஜூலை 27: முகாம்களில் வசிக்கும் இலங்கைத் தமிழர்களின் திருமணங்களைப் பதிவு செய்யும் பணி வேலூர் மண்டலத்திலுள்ள அனைத்து சார்பதிவாளர் அலுவலகங்களிலும் தொடங்கியது.

தமிழகத்தில் இலங்கை தமிழர் மறுவாழ்வு முகாம்களில் நடைபெறும் திருமணங்கள் இதுவரை பதிவு செய்யப்படாமல் உள்ளன. எனவே, இலங்கை தமிழர் மறுவாழ்வு முகாம்களைச் சேர்ந்தவர்களின் திருமணங்களை பதிவு செய்திட தமிழக அரசு நடவடிக்கை மேற்கொண்டது. அதன்படி, இலங்கை தமிழர்களின் திருமணங்களைப் பதிவு செய்தல் தொடர்பாக ஏற்கெனவே அறிவுரைகள் வழங்கப்பட்டுள்ளன.