ஏழுமலையான் தரிசன டிக்கெட்டுகளின் அக்டோபர் மாத ஒதுக்கீடு நாளை வெளியீடு

ஏழுமலையான் ஆர்ஜிதச் சேவை டிக்கெட்டுகளின் அக்டோபர் மாத ஒதுக்கீடு ஜூலை 19-ஆம் தேதி முதல் தொடங்க உள்ளதாக தேவஸ்தானம் தெரிவித்துள்ளது.

- 

திருப்பதி, ஜூலை 17:

திருமலை ஏழுமலையான் ஆர்ஜிதச் சேவை டிக்கெட் தொடர்பான சுப்ரபாதம், தோமாலை, அர்ச்சனை மற்றும் அஷ்டதள பாதபத்மராதனை சேவைகளுக்கான அக்டோபர் 2025 ஒதுக்கீட்டை வரும் 19-ஆம் தேதி காலை 10 மணிக்கு தேவஸ்தானம் வெளியிட உள்ளது.

இந்தச் சேவை டிக்கெட்டுகளுக்கான ஆன்லைன் விண்ணப்பப் பதிவு ஜூலை 19 முதல் 21-ஆம் தேதி காலை 10 மணி வரை மேற்கொள்ளலாம். இந்த டிக்கெட்டுகளைப் பெறும் விண்ணப்பதாரர்கள் தங்கள் கைப்பேசி எண்ணுக்குக் குறுந்தகவல் கிடைத்தவுடன் ஜூலை 21-ஆம் தேதி முதல் 23-ஆம் தேதி மதியம் 12 மணிக்குள் தொகையைச் செலுத்தி டிக்கெட்டுகளைப் பெற்றுக்கொள்ளலாம்.