போயிங் 787 விமானங்களில் எரிபொருள் சுவிட்சுகள் முறையாகச் செயல்படுகின்றன

குஜராத்தில் எரிபொருள் கிடைக்காமல் போயிங் 787 பயணிகள் விமானம் விபத்துக்குள்ளான நிலையில், தம்மிடம் உள்ள அந்த விமானங்களில் எரிபொருள் சுவிட்சுகள் முறையாகச் செயல்படுவதாக சிங்கப்பூர் ஏர்லைன்ஸ் நிறுவனம் செவ்வாய்க்கிழமை தெரிவித்தது.

- 

சிங்கப்பூர், ஜூலை 15:

கடந்த ஜூன் 12-ஆம் தேதி குஜராத் மாநிலம் அகமதாபாதில் உள்ள சர்தார் வல்லபபாய் படேல் சர்வதேச விமான நிலையத்தில் இருந்து லண்டனுக்குப் பயணிக்கவிருந்த போயிங் 787 ஏர் இந்தியா விமானம், புறப்பட்ட சில விநாடிகளில் கீழே விழுந்து வெடித்துச் சிதறியது. இதில் பயணிகள், விமானப் பணியாளர்கள் என மொத்தம் 260 பேர் உயிரிழந்தனர்.