முன்னாள் வெளியுறவுச் செயலர் உள்பட 4 பேர் மாநிலங்களவை நியமன எம்.பி.க்கள்

முன்னாள் வெளியுறவுச் செயலர் ஹர்ஷ் வர்தன் ஷ்ரிங்லா, மும்பை பயங்கரவாதத் தாக்குதல் வழக்கில் அரசுத் தரப்பு சிறப்பு வழக்குரைஞராகப் பணியாற்றிய உஜ்வல் நிகம், கேரளத்தைச் சேர்ந்த பாஜக மூத்த தலைவர் சி.சதானந்தன், தில்லியைச் சேர்ந்த வரலாற்று ஆய்வாளர் மீனாக்ஷி ஜெயின் ஆகிய 4 பேரை மாநிலங்களவை நியமன எம்.பி.க்களாக குடியரசுத் தலைவர் திரௌபதி முர்மு நியமித்தார்.

- 

புது தில்லி, ஜூலை 13:

நாடாளுமன்ற மேலவையான மாநிலங்களவையில் 12 உறுப்பினர்களை நியமன எம்.பி.க்களாக குடியரசுத் தலைவர் நியமிக்கிறார். கலை, அறிவியல், சமூக சேவை, கல்வி, சட்டம் உள்ளிட்ட துறைகளில் சிறப்பான பங்களிப்பை நல்கியவர்களுக்கு இந்த எம்.பி. பதவி வழங்கப்படுகிறது.