ஆயுத வியாபாரி சஞ்சய் பண்டாரி பொருளாதார குற்றவாளி

தில்லி நீதிமன்றம் உத்தரவு

- 

புது தில்லி, ஜூலை 5: அமலாக்கத் துறை மனுவில் பிரிட்டனைச் சேர்ந்த ஆயுத வியாபாரி சஞ்சய் பண்டாரி தப்பியோடிய பொருளாதார குற்றவாளியாக அறிவித்து தில்லி நீதிமன்றம் சனிக்கிழமை உத்தரவிட்டது.

சஞ்சய் பண்டாரிக்கு எதிராக கருப்புப் பண தடுப்புச் சட்டத்தின்கீழ் வருமான வரித் துறை வழக்கு பதிவு செய்து, விசாரித்து வந்தது. இந்த வழக்கையொட்டி 2016-ஆம் ஆண்டு நடத்தப்பட்ட வருமான வரித் துறை சோதனையைத் தொடர்ந்து அவர் லண்டன் தப்பினார்.