அரசு ஊழியர்களுக்கான மருத்துவ காப்பீடு: மேலும் ஓராண்டுக்கு நீட்டிப்பு

அரசு ஊழியர்கள், பொதுத் துறை நிறுவன பணியாளர்களுக்கு நடைமுறையிலுள்ள மருத்துவக் காப்பீடு மேலும் ஓராண்டுக்கு நீட்டிக்கப்பட்டுள்ளது.

- 

சென்னை, ஜூன் 25: இதற்கான உத்தரவை நிதித் துறை முதன்மைச் செயலர் த.உதயச்சந்திரன் பிறப்பித்துள்ளார். அவரது உத்தரவு விவரம்:

அரசுத் துறைகளில் பணிபுரியும் ஊழியர்கள், உள்ளாட்சி அமைப்புகள், அரசு சார் நிறுவனங்கள், பொதுத் துறை நிறுவனங்கள், உள்ளாட்சி அமைப்புகள், மாநில அரசின் பல்கலைக்கழகங்கள் ஆகியவற்றில் பணியாற்றும் ஊழியர்களுக்கு மருத்துவக் காப்பீட்டுத் திட்டம் அமலில் உள்ளது. அவர்களுக்கும் அவர்களது தகுதி படைத்த குடும்பத்தைச் சேர்ந்த உறுப்பினருக்கும் ரூ.5 லட்சம் வரை மருத்துவ வசதி கிடைக்க காப்பீட்டில் வசதி செய்யப்பட்டுள்ளது.