எடப்பாடி பழனிசாமி 2-ஆவது நாளாக ஆலோசனை

சென்னை ராயப்பேட்டையில் உள்ள அதிமுக தலைமை அலுவலகத்தில் மாவட்டச் செயலர்கள், வாக்குச்சாவடி பொறுப்பாளர்களுடனான இரண்டாம் நாள் ஆலோசனைக் கூட்டம் எடப்பாடி பழனிசாமி தலைமையில் புதன்கிழமை நடைபெற்றது.

- 

சென்னை, ஜூன் 25:

காலையில் திருவாரூர், மயிலாடுதுறை, நாகை, தஞ்சாவூர், கள்ளக்குறிச்சி, சேலம், திருச்சி, நீலகிரி, கோவை, திருப்பூர் ஆகிய மாவட்டங்களுக்கும், மாலையில் திருப்பத்தூர், வேலூர், திருவள்ளூர், செங்கல்பட்டு, காஞ்சிபுரம், சென்னை ஆகிய மாவட்டச் செயலர்களுக்கான கூட்டம் நடைபெற்றது.

இந்தக் கூட்டத்தில் வாக்குச்சாவடி குழுக்களை அமைப்பது தொடர்பாக இறுதிக்கட்டப் பணிகள் குறித்து ஆலோசிக்கப்பட்டது. மேலும், கூட்டத்தில் 2026 சட்டப்பேரவைத் தேர்தலை எவ்வாறு எதிர்கொள்வது, தேர்தல் பணிகளை எவ்வாறு மேற்கொள்வது ஆகியவை குறித்து மாவட்டச் செயலர்களுடன் எடப்பாடி பழனிசாமி ஆலோசனை நடத்தினார்.