மேட்டூரில் திறந்த தண்ணீர் முக்கொம்பு வந்தது

மலர்கள், நெல் மணிகளைத் தூவி விவசாயிகள் உற்சாக வரவேற்பு

- 

திருச்சி, ஜூன் 14: டெல்டா பாசனத்துக்காக மேட்டூர் அணையில் திறக்கப்பட்ட தண்ணீரானது முக்கொம்பு அணைக்கு சனிக்கிழமை வந்து சேர்ந்தது. அந்த நீரை விவசாயிகள் மலர்கள், விதை நெல் களை தூவி உற்சாகத்துடன் வரவேற்றனர்.

டெல்டா பாசன சாகுபடிக்காக தமிழக முதல்வர் மு.க.ஸ்டாலின் கடந்த 12-ஆம் தேதி மேட்டூருக்கு வந்து தண்ணீரைத் திறந்துவைத்தார். இதையடுத்து வினாடிக்கு 9,000 கனஅடி வரை திறக்கப்பட்ட தண்ணீரானது நாமக்கல், கரூர் மாவட்டங்களைக் கடந்து திருச்சி மாவட்டத்தின் எல்லைப்பகுதியான முக்கொம்புக்கு சனிக்கிழமை வந்து சேர்ந்தது.