576 சுய உதவிக் குழுக்களுக்கு ரூ.80 கோடி வங்கிக் கடன்: திருப்பத்தூர் ஆட்சியர்

திருப்பத்தூர் மாவட்டத்தில் இதுவரை 576 சுய உதவிக்குழுக்களுக்கு ரூ.80 கோடி வங்கிக் கடன் வழங்கப்பட்டுள்ளது என ஆட்சியர் க.சிவசௌந்திரவல்லி தெரிவித்தார்.

- 

திருப்பத்தூர், ஜூன் 11:

ஊரக வளர்ச்சி மற்றும் ஊராட்சித் துறையின் கீழ் தமிழ்நாடு மகளிர் மேம்பாட்டு நிறுவனத்தின் சார்பில் துணை முதல்வர் உதயநிதி ஸ்டாலின் புதன்கிழமை தமிழகம் முழுதும் உள்ள மகளிர் சுய உதவி குழுக்களுக்கு வங்கிக் கடன் மற்றும் நலத்திட்ட உதவிகளை சென்னையில் இருந்து காணொலி வாயிலாக வழங்கி தொடங்கி வைத்தார்.

ஜோலார்பேட்டையில் நடைபெற்ற நிகழ்ச்சிக்கு ஆட்சியர் க.சிவசௌந்திரவல்லி தலைமை வகித்தார். எம்எல்ஏ அ.நல்லதம்பி முன்னிலை வகித்தார். நிகழ்ச்சியில் ஊரகம் மற்றும் நகர்புற பகுதிகளில் உள்ள 483 மகளிர் சுய உதவிக்குழுக்களுக்கு ரூ.49.14 கோடி கடனுதவி வழங்கப்பட்டது.