காஷ்மீரில் சிக்கிய தமிழக சுற்றுலாப் பயணிகள் சென்னை வருகை

பயங்கரவாதத் தாக்குதல் நடந்த காஷ்மீர் பகுதியில் சிக்கித் தவித்த தமிழகத்தைச் சேர்ந்த சுற்றுலாப் பயணிகள் விமானம் மூலம் சென்னை வந்தடைந்தனர்.

- 

சென்னை, ஏப். 24: கொடூரத் தாக்குதலில் உயிரிழந்தவரின் உடலுக்கு விமான நிலையத்தில் தமிழக பாஜக, காங்கிரஸ் தலைவர்கள் அஞ்சலி செலுத்தினர்.

ஜம்மு காஷ்மீரில் செவ்வாய்க்கிழமை நிகழ்த்தப்பட்ட பயங்கரவாத தாக்குதலில் 26 பேர் கொல்லப்பட்ட நிலையில், கடந்த 19-ஆம் தேதி தமிழகத்திலிருந்து சுற்றுலா சென்ற 70 பேர் தாக்குதலில் சிக்காமல் உயிர் தப்பினர். இந்தத் தாக்குதலில் 3 பேர் காயமடைந்து சிகிச்சை பெற்று வருகின்றனர்.

28 பேர் சென்னை வந்தனர்: இந்நிலையில் தமிழக அரசு மேற்கொண்ட நடவடிக்கையால் காஷ்மீரில் சிக்கியிருந்த தமிழர்கள் 28 பேர் விமானம் மூலம் வியாழக்கிழமை அதிகாலை 2.30 மணியளவில் சென்னை வந்தடைந்தனர். அவர்களை வெளிநாட்டு வாழ் தமிழர் நலன் மற்றும் மறுவாழ்வு மைய ஆணையர் வள்ளலார் உள்ளிட்ட அரசு அதிகாரிகள் வரவேற்றனர்.