ஆயுதங்களை ஒப்படைக்காவிட்டால் கடும் நடவடிக்கை

மணிப்பூரில் அரசிடமிருந்து கொள்ளையடித்த ஆயுதங்கள் மற்றும் பிற சட்டவிரோத ஆயுதங்களை அடுத்த ஏழு நாட்களுக்குள் தாமாக முன்வந்து ஒப்படைக்க வேண்டும் என்று மாநிலத்தின் அனைத்து சமூகத்தினருக்கும் ஆளுநர் அஜய் குமார் பல்லா வேண்டுகோள் விடுத்துள்ளார்.

- 

இது தொடர்பாக அவர் வியாழக்கிழமை வெளியிட்ட செய்திக்குறிப்பில் கூறப்பட்டுள்ளதாவது: மணிப்பூரின் அமைதி மற்றும் நல்லிணக்கத்துக்கு குந்தகம் விளைவிக்கும் துரதிருஷ்டவசமான சம்பவங்களால் கடந்த 20 மாதங்களுக்கும் மேலாக மக்கள் பாதிக்கப்பட்டுள்ளனர். எனவே, மோதலை நிறுத்தி, அமைதி-ஒழுங்குமுறையை நிலைநாட்ட அனைத்து சமூக மக்களும் முன்வர வேண்டும். அப்போதுதான், மக்கள் இயல்பு வாழ்க்கைக்குத் திரும்ப முடியும்.