'ஏஐ’ நுட்பத்தில் தலைவர்களை தவறாக சித்தரிக்கத் தடை

தேர்தல் ஆணையம் எச்சரிக்கை

- 

செயற்கை நுண்ணறிவு (ஏஐ) நுட்பத்தில் தனி நபர்களின் அடையாளத்தையோ, தோற்றத்தையோ தவறாக சித்தரிக்கும் விளம்பரங்களுக்கு தடை விதிக்கப்படுவதாக தேர்தல் ஆணையம் தெரிவித்துள்ளது.

அவ்வாறு விளம்பரங்கள் மேற்கொண்டால் அவை 3 மணி நேரத்துக்குள் நீக்கப்படும் என்றும் தெரிவிக்கப்பட்டுள்ளது.

இதுதொடர்பாக மாநிலத் தலைமைத் தேர்தல் அதிகாரி அர்ச்சனா பட்நாயக் வெளியிட்ட செய்திக்குறிப்பு:

மின்னணு ஊடகங்கள், சமூக ஊடகங்களில் அரசியல் விளம்பரங்களை வெளியிட விரும்பும் அனைத்து அரசியல் கட்சிகளும், வேட்பாளர்களும் மாநில அல்லது மாவட்ட அளவிலான ஊடகச் சான்றளிப்பு மற்றும் கண்காணிப்புக் குழுவிடம் முன் அனுமதி பெறுவது கட்டாயம்.