திருவாரூருக்கு முதல்வர் இன்று வருகை

கருணாநிதி சிலையை திறந்து வைக்கிறார்

- 

திருவாரூர், ஜூலை 8: இரண்டு நாள் பயணமாக திருவாரூருக்கு புதன்கிழமை வருகை தரும் தமிழக முதல்வர் மு.க. ஸ்டாலின், மறைந்த முன்னாள் முதல்வர் கருணாநிதியின் உருவச் சிலையை திறந்து வைக்க உள்ளார்.

கட்சி, அரசு நிகழ்ச்சிகளில் பங்கேற்கும் வகையில் தமிழக முதல்வர் மு.க. ஸ்டாலின், திருவாரூருக்கு புதன்கிழமை பிற்பகலில் வருகை தர உள்ளார். காட்டூர் கலைஞர் கோட்டத்தில் ஓய்வெடுத்து விட்டு, அங்குள்ள கருணாநிதியின் தாயார் அஞ்சுகம் அம்மாள் நினைவிடத்துக்குச் சென்று மரியாதை செலுத்துகிறார்.