அமர்நாத் யாத்திரை பாதுகாப்புக்கு 180 துணை ராணுவப் படை குழுக்கள்

பஹல்காம் பயங்கரவாதத் தாக்குதலைத் தொடர்ந்து நிகழாண்டு அமர்நாத் யாத்திரைக்காக பல அடுக்கு பாதுகாப்பு ஏற்பாடுகள் செய்யப்பட்டு வருகின்றன; ஜம்மு பிராந்தியத்தில் மட்டும் 180-க்கும் மேற்பட்ட துணை ராணுவப் படை குழுக்கள் நிறுத்தப்பட்டுள்ளதாக ஜம்மு காவல் துறை ஐஜி பீம்சேன் துடி தெரிவித்தார்.

- 

ஜம்மு, ஜூன் 27: பஹல்காம் பயங்கரவாதத் தாக்குதலைத் தொடர்ந்து நிகழாண்டு அமர்நாத் யாத்திரைக்காக பல அடுக்கு பாதுகாப்பு ஏற்பாடுகள் செய்யப்பட்டு வருகின்றன; ஜம்மு பிராந்தியத்தில் மட்டும் 180-க்கும் மேற்பட்ட துணை ராணுவப் படை குழுக்கள் நிறுத்தப்பட்டுள்ளதாக ஜம்மு காவல் துறை ஐஜி பீம்சேன் துடி தெரிவித்தார்.

வரும் வியாழக்கிழமை (ஜூலை 3) தொடங்கி ஆகஸ்ட் 9-ஆம் தேதி வரை 38 நாள்கள் நடைபெறும் அமர்நாத் யாத்திரை, அனந்தநாக் மாவட்டத்தில் உள்ள பாரம்பரிய 48 கி.மீ. நீள பஹல்காம் பாதை மற்றும் கந்தர்பால் மாவட்டத்தில் உள்ள செங்குத்தான 14 கி.மீ. பால்டால் பாதை ஆகிய 2 வழித்தடங்களில் நடத்த திட்டமிடப்பட்டுள்ளது.