புதுவை அமைச்சர், 3 நியமன எம்எல்ஏக்கள் திடீர் ராஜிநாமா

புதுவை ஆதிதிராவிடர் நலத்துறை அமைச்சர் ஏ.கே.சாய் ஜெ சரவணன் குமார் வெள்ளிக்கிழமை தனது பதவியை ராஜினாமா செய்தார்.

- 

புதுச்சேரி, ஜூன் 27: இதற்கான கடிதத்தை முதல்வர் என்.ரங்கசாமியிடம் வழங்கினார்.

பதவியை ராஜினாமா செய்த நியமன எம்எல்ஏக்கள் ஆர்.பி.அசோக்பாபு, வி.பி.ராமலிங்கம், டி.வெங்கடேசன்.

பாஜக நியமன எம்எல்ஏக்களான வி.பி.ராமலிங்கம், ஆர்.பி.அசோக்பாபு, டி.வெங்கடேசன் ஆகியோரும் தங்கள் பதவிகளை ராஜினாமா செய்து, அதற்கான கடிதங்களை பேரவைத் தலைவர் ஆர்.செல்வத்திடம் அளித்தனர்.

புதுவை மாநிலத்தில் என்.ஆர்.காங்கிரஸ் - பாஜக கூட்டணி அரசு ஆட்சியில் உள்ளது. முதல்வராக என்.ஆர்.காங்கிரஸ் தலைவர் என்.ரங்கசாமி உள்ளார். இவரது அமைச்சரவையில் பாஜகவை சேர்ந்த ஏ.கே.சாய் ஜெ சரவணன் குமார் ஆதிதிராவிடர் நலத்துறை அமைச்சராகப் பதவி வகித்து வந்தார்.