நடிகர் கிருஷ்ணா உள்பட 2 பேர் கைது

போதைப் பொருள் வழக்கில் நடிகர் கிருஷ்ணா உள்பட 2 பேரை சென்னை நுங்கம்பாக்கம் போலீஸார் வியாழக்கிழமை கைது செய்தனர்.

- 

சென்னை, ஜூன் 26:

கொகைன் போதைப் பொருள் பயன்படுத்தியதாக நடிகர் ஸ்ரீகாந்தை, நுங்கம்பாக்கம் போலீஸார் கடந்த திங்கள்கிழமை கைது செய்தனர். அவரிடம் நடத்திய விசாரணையில் அதிமுக தகவல் தொழில்நுட்ப அணி முன்னாள் நிர்வாகி பிரசாத் மூலமாகவும், போதைப் பொருள் கடத்தல் கும்பலைச் சேர்ந்த பிரதீப்குமார் மூலமாகவும் கொகைன் போதைப் பொருள் வாங்கியிருப்பது தெரியவந்தது.

இந்தக் கும்பலுக்கும், கழுகுத்திரைப் பட நடிகர் கிருஷ்ணா என்ற ஸ்ரீகிருஷ்ணாவுக்கும் (47) தொடர்பு இருப்பதும் விசாரணையில் தெரியவந்தது. இதையடுத்து, கிருஷ்ணாவிடம் விசாரிக்க திட்டமிட்ட தனிப்படை போலீஸார், அவரைத் தேடி கேரளத்துக்கு புறப்பட்டுச் சென்றனர்.